Maraming tao ang kadalasang nagtatalo kung ang teknolohiya ay nakakabuti o nakakasama. Marami ang naniniwala na ang teknolohiya ay may masamang epekto sa ating lipunan, pero marami rin ang pabor sa pag-unlad ng teknolohiya dahil ito ay nagbibigay ng magandang dulot sa pamumuhay ng mga Pilipino. Ang mga pananaw na ito ay tama, subalit, kailangan nating pag-aralan ng mabuti kung ang teknolohiya nga ba ay nakakatulong o nagdudulot ng masamang epekto. Ito ay nakasalalay sa ating mga Pilipino kung paano natin ito gamitin.

Mga Positibong Epekto:
· Pag-unlad ng antas ng libangan
· Mas mapapadali ang pagresponde sa mga kaganapan
· Mas mapapabilis at madami ang gawaing maaaring magawa
· Global Networking
· Mas mapapalapit sa iba sa pamamagitan ng komunikasyon gamit ang teknolohiya
· Mas makakamura sa ibang paraan

Mga Negatibong Epekto:
· Nakakadulot ng pagiging tamad ng mga tao
· Maaaring gamitin sa karahasan
· Nakakasira ng kalikasan
· Technicism – pagiging kampante sa paggamit ng teknolohiya
· Ang pagkakaroon ng sobrang kaalaman ay maaaring humantong sa mali-maling sitwasyon.
· Ang makabagong teknolohiya sa larangan ng gaming at internet access ay maaaring makasira o maka-apekto sa pag-aaral ng mga mag-aaral.[TeknolohistangPinoy]

Inilabas na ang Implementing Rules and Regulations o IRR ng Cybercrime Prevention Act of 2012. Nilagdaan ito nina Justice Secretary Leila De Lima, DOST Secretary Mario Montejo at DILG Undersecretary Edwin Enrile. Inumpisahang gawin ang IRR noong pang Pebrero 2014 matapos katigan ng Korte Suprema ang constitutionality ng nasabing batas. Lalong patitibayin ng IRR ang Cybercrime Prevention Act, o ang batas kontra sa mga krimeng gumagamit ng computer at Internet.

Narito ang mga pagkakasalang maaaring kasangkutan sa Cybercrime Prevention Act


Mga paglabag laban sa personal, integridad at paggamit ng mga sistema at datos na nasa kompyuter:
- Iligal na paggamit sa buo o bahagi ng sistema ng kumpyuter nang walang karampatang pahintulot
- Iligal na pagsagap ng anumang hindi pampublikong transmisyon ng datos ng kumpyuter mula o sa loob mismo ng kompyuter
- Panghihimasok sa mga datos gaya ng pagpapalit, paninira, o pagbura ng datos nang walang pahintulot, kasama ang pagpasok o paglipat ng virus
- Panghihimasok sa sistema ng kompyuter
- Cyber-squatting o ang pagkuha ng domain name sa internet para kumita, manggulo, manira, o pigilan ang iba sa pagrerehistro ng katulad na domain name
- Paggamit ng kasangkapan sa maling intensyon

Mga paglabag na may kinalaman sa kompyuter:
- Pamemeke gamit ang kompyuter (pagpasok, pagpapalit o pagbura ng mga datos) nang walang permiso na maaaring makabuo ng pekeng datos na may intensyong ituring itong tunay kung gagamitin sa ligal na dahilan
- Panloloko gamit ang kumpyuter (pagpasok, pagpapalit o pagbura ng mga datos, o panghihimasok sa gumaganang sistema ng kompyuter) na maaaring makapgdulot ng pagkasira nito
- Pagnanakaw ng pagkatao o identity theft o pagkuha, paggamit, paglipat, pag-angkin, pagpalit o pagbura sa mga impormasyong tumutukoy sa ibang tao gamit ang kompyuter

Mga paglabag na may kinalaman sa nilalaman:
- Cybersex o pagkasangkot, pagpapanatili, pagkontrol o pagpapatakbo ng anumang malaswang pagpapakita ng ari o gawaing sekswal gamit ang kompyuter
- Child pornography o iligal na gawaing tinutukoy at pinarurusahan ng Batas Republika bilang 9775, o ang Anti-child Pornography Act of 2009, gamit ang kompyuter
- Walang pahintulot na pagbibigay ng komunikasyong komersyal na nagbebenta ng produkto o nagpapatalastas nito
- Libelo o iligal na gawaing tinutukoy ng Aritkulo 355 ng Revised Penal Code

at iba pa...
- Pagtulong o pagpapahintulot sa paggawa ng cybercrime
- Pagtatangkang gumawa ng cybercrime

Mga parusa:
- Sinumang mapatunayang nagkasala sa mga gawain ng cybercrime na binabanggit sa unang dalawang hanay ay may karampatang parusang prision mayor o pagkakakulong ng anim na taon at isang araw hanggang labindalawang taon, o pagmumultang hindi bababa sa Php 200,000 hanggang Php 500,000.
- Sinumang mapatunayang nagkasala sa mga nabanggit sa unang hanay ay may karampatang parusang reclusion temporal o pagkakakulong ng labindalawang taon at isang araw hanggang dalawampung taon, o pagmumultang hindi bababa sa Php 500,000 hanggang sa pinakamalaking halaga katumbas ng nagawang abala o pinsala.
- Sinumang mapatunayang nagkasala sa gawaing cybersex ay may karampatang parusang prision mayor o pagkakakulong ng anim na taon at isang araw hanggang labindalawang taon, o pagmumultang hindi bababa sa Php 200,000 subalit hindi hihigit sa isang milyong piso, o parehas na parusa.
- Sinumang mapatunayang nagkasala sa gawaing child pornography ay may karampatang parusang kaakibat ng nakasaad sa Batas Republika bilang 9775 o ang Anti-Child Pornography Act of 2009.
- Sinumang mapatunayang nagkasala sa gawaing walang pahintulot na pagbibigay ng kumunikasyong komersyal ay may karampatang parusang arresto mayor o pagkakakulong ng isang buwan at isang araw hanggang anim na buwan, o pagmumultang hindi bababa sa Php 50,000 subali't hindi hihigit sa Php 250,000, o parehas na parusa.
- Sinumang mapatunayang nagkasala sa mga gawaing nakasaad sa huling hanay ay may karampatang parusang pagkakakulong na isang antas na mas mababa sa ibinibigay na parusa para sa gawain o pagmumultang hindi bababa sa Php 100,000 subali't hindi hihigit sa Php 500,000, o parehas na parusa.

Naglabas ang China ng isang full-page feature sa isang diyaryo na bukod sa puno ng maaanghang na salita laban sa Pilipinas, Japan at Amerika, ay may mga luma ding tula at kasabihan na nakasalin sa Ingles. Ayon sa isang analyst, hindi ito mga inosenteng tula kundi mga pailalim na banta ng China para sa Pilipinas.[ABSCBNnews]

Usap-usapan ngayon ang naging pahayag ng Department of Education sa posibilidad na paggamit ng "beki" o gay language bilang official medium of instruction sa pagtuturo.


Ayon kay Education Secretary Armin Luistro, ang paggamit ng mga bagong nabubuong kolokyal na kagaya ng "beki" ay kasama na sa pagbabago at hindi na ito mapipigilan.

Aniya, sa ngayong ay katanggap-tanggap na sa lipunan ang nasabing salita, ginagamit na ng karamihan at posibleng maging bahagi ito ng official communication.

Ginawa ni Luistro ang pahayag kasabay ng selebrasyon ng Buwan ng Wikang Pambansa ngayong Agosto.

Umabot sa 101 ang kabuuang bilang ng mga biktima ng pinaniniwalaang food poisoning sa bayan ng Estancia, Iloilo ang isinugod sa ospital matapos umanong kumain sa isang kasalan, kung saan 67 ang nakalabas na ng ospital matapos mabigyan ng gamot.


Apat naman ang nananatili sa ospital, habang 30 pa ang ginamot na lamang sa health center ng Barangay Gogo sa bayan ng Estancia.

Hindi naman matanggap ng ikinasal na si Jane at asawang Briton na ang kanilang okasyon pa ang naging dahilan ng pagkaka-ospital ng kanilang mga kabarangay.

Tumanggi na si Jane na magbigay ng pahayag, subalit iginiit niya na malinis ang kanilang handang pagkain.

Ayon sa kusinerong nagluto para sa handaan sa kasal, hindi niya hinayaang mahawakan ng iba ang mga karne ng baboy at baka na inihanda sa kasalan.

Aniya, siniguro niyang malinis at nilutong maigi ang mga putaheng inihanda sa reception. Ngunit kanya ring inamin na may isang sangkap sa kanyang putahe na nakabukas na nang binili sa tindahan.

Ito ngayon ang iniimbestigahan ng Provincial Health Office ng Iloilo na maaaring naging sanhi ng pagkalason ng mga biktima.

Nagsagawa na rin ng rectal swab test sa mga biktima upang ma-ikumpara sa resulta ng laboratory examination ng mga samples ng pagkain na ipinadala sa Research Institute for Tropical Medicine ng Department of Health.[ABS-CBN_ILOILO]

Hindi nakaligtas sa version ng State Of the Nation Address ni Vice President Jejomar Binay maging ang mga posibleng makalaban nito sa politika sa 2016 presidential elections.

Bagama't hindi direktang pinangalanan, binanggit nito ang aniya ay kulang sa karanasan, habang may pasaring din siya sa isang may karanasan ngunit palpak.

Inulit din nito ang mga batikos sa pamahalaan na dati na niyang binabanggit mula ng kumalas bilang miyembro ng gabinete.

Inungkat din ang mga isyu ng kabiguan daw ng gobyerno sa Yolanda Rehab Efforts, kakulangan ng aksyon sa problemang pang kapayapaan sa Mindanao, patung-patong na aberya sa MRT, isyu ng Luneta Hostage Crisis, Zamboanga Siege at Mamasapano Incident.

Sa pormal na pag-indorso ni Pangulong Aquino kay Interior Sec. Mar Roxas sa Club Filipino, tinukoy nito na walang ibang makapagpapatuloy ng kaniyang nasimulan kundi ang standard bearer ng Liberal Party o LP.

Emosyunal na nangako si Roxas na itutuloy niya ang nasimulang "Daang Matuwid Advocacy" ni Pangulong Benigno Aquino III.

Pagtitiyak ng kalihim, hindi niya dudumihan ang pangalan ng mga lider na nagsulong ng maayos na pamumuno, kasama na sina dating pangulong Cory Aquino at dating Sen. Ninoy Aquino, pati na ang kasalukuyang pinuno ng bansa na si Pangulong Aquino.

Sino nga ba si Mar Roxas?



Si Roxas ay mula sa angkan ng naging Pangulo ng bansa. Siya ay apo ni Pangulong Manuel A. Roxas, isa sa mga nagtatag ng Liberal Party noong 1945. Nagtapos siya ng kursong economics noong 1979 sa Wharton School, ang kauna-unahan at prestihiyosong business school ng University of Pennsylvania, USA.

Bago pumasok sa gobyerno, si Mar ay investment banker at Assistant Vice President ng kilalang boutique firm at isa sa mga humawak sa pagtatala ng fast food giant na Jollibee sa Stock Exchange sa Amerika.

Boluntaryong nagbakasyon si Mar sa trabaho para sumama sa kampanya ni Pangulong Cory Aquino noong 1986 snap election.

Nagsimulang maglingkod sa gobyerno si Mar matapos manalo sa special congressional election para pumalit sa kanyang kapatid na si Dinggoy na namatay sa serbisyo bilang kinatawan ng unang distrito ng Capiz.

Humawak siya ng tatlong posisyon sa Gabinete sa ilalim ng tatlong administrasyon-- bilang kalihim ng Department Trade and Industry o DTI sa ilalim nina Pangulong Joseph Estrada at Gloria Macapagal Arroyo, at kalihihim ng Transportation and Communication at Interior and Local Government sa ilalim ni Pangulong Aquino.

Bilang DTI Secretary, binansagan si Mar Roxas bilang "Mr. Palengke." Inilunsad niya ang "Make it Philippines" na nagpaunlad ng Business Process Outsourcing o BPO industry sa Pilipinas, partikular ang operasyon ng call center na nagbigay ng milyong trabaho sa mga Pilipino.

Nahalal na topnotcher na senador si Mar Roxas noong 2004 election at pangatlo sa umani ng pinakamalaking botong 19,372,888 sa kasaysayan ng mga halalan sa bansa.

Nakaisang-dibdib ni Mar ang news anchor na si Korina Sanchez. Mayroon siyang anak na si Paolo Gerardo sa unang karelasyon.

Ang networth ni Mar Roxas hanggang noong December 31, 2014 ay P202,080,452.71, pang-apat sa pinakamayamang miyembro ng gabinete ng administrasyong Aquino.

Kasado na ang earthquake drill na gaganapin bukas sa buong Metro Manila, Hulyo 30 bilang paghahanda sa banta ng pagtama ng malakas na lindol sa Kamaynilaan.

Ang daytime drill na gaganapin sa buong Kamaynilaan simula alas-10:30 ng umaga hanggang alas-11:30 ng umaga.

Lalahukan ito ng lahat ng paaralan, opisina at mga tanggapan ng pamahalaan sa Kamaynilaan.

Pagsapit naman ng gabi, gaganapin sa Pasig Central Business District ang isa pang earthquake drill simula alas-7:30 hanggang alas-8:30.

Sa parehong drill, magkakaroon ng sychronized exercises sa unang limang minuto ng simulation.


Mga paraan upang makaligtas sa lindol
 Ang paghahanda sa lindol:
– Magkaroon ng pagpaplano para sa lindol.
– Kumunsulta sa eksperto kung paano magiging mas matibay ang pundasyon ng inyong tahanan.
– Magtalaga ng isang lugar sa bawat kwarto na maaaring puntahan kapag lumindol. Ito ang mga lugar kung saan walang anomang maaaring mahulog sayo.
– Mag-impok ng mga de latang pagkain, paunang lunas (first aid kit), tatlong galon ng tubig kada tao, dust masks at goggles, at de bateryang radyo at flashlights.
– Alamin kung paano patayin ang inyong tangke at metro ng tubig.

Tips kung limilindol na:
– Sumilong sa ilalim ng lamesa at kumapit.
– Manatili sa loob ng tahanan hanggang sa matapos ang pagyanig at ligtas na lumabas.
– Umiwas sa mga bintana. Sa mga nagtatayugang gusali, asahan na ang fire alarm at sprinklers (lagadera) ay maaaring di gumana sa panahon ng lindol.
– Kung ikaw ay nasa iyong higaan, kumapit at manatili lamang, takluban ng unan ang ulo upang maprotektahan ito sa mga matitigas na bagay na maaaring bumagsak.
– Kung nagkataong ikaw ay nasa labas, humanap ng lugar na walang mga gusali, puno at poste.
– Kapag nasa loob ng sasakyan, bagalan ang takbo at pumunta sa bakanteng lugar. Manatili sa sasakyan hanggang tumigil ang pagyanig.

Mahalagang maging handa sa mga sakuna tulad ng lindol, upang manatiling ligtas tayo at ang ating pamilya.

President Benigno Aquino III just finished delivering his final State of the Nation Address on Monday when party-list lawmakers from the Makabayan Bloc staged a surprise protest at the plenary hall.






Nakaambang sampahan ng ethics case ang Makabayan Bloc na nagprotesta sa loob ng plenaryo matapos ang huling State of the Nation Address o SONA ni Pangulong Noynoy Aquino nitong Lunes.

Sa isang statement, kinondena ni Quezon City Rep. Winston Castelo ang aksyon ng grupo ng mga kongresista na nagtaas pa ng mga placard kontra kay PNoy.

Young star Daniel Padilla has broken his silence after a photo of him smoking an e-cigarette made the rounds online.

In an interview with ABS-CBN News and other reporters over the weekend, Padilla stressed that he does not smoke cigarettes.


“Hindi yosi ‘yun. Hindi rin ‘yun droga. Vapor po ‘yun. Hindi naman ako nag-yosi, talagang vape lang. Hindi ko naman lahat sinasabi mag-vape na pero siguro tayo namang tao, may mga sariling buhay din naman tayo. May mga sarili tayong gusto,” he said.

Padilla’s photo was met with mixed reactions from his fans. While some still support the actor, others felt that he sets a bad example to his young fans.

The actor, however, emphasized that he does not have other vices except for two. “Magpuyat at basketball, ‘yun lang,” he said.

As a celebrity, Padilla admitted that it is difficult when people watch his every move.

“Mahirap kasi parang ‘yun nga, nakita akong nagve-vape, mali kaagad. Mahirap. Pero kung ayaw niyo na sa akin, ayaw niyo na,” he said.

Bilang paghahanda sa huling State of the Nation Address ng Pangulong Benigno Aquino III ngayon araw, ika-27 ng Hulyo, binuo ng Philippine National Police ang Task Force Kapayapaan para sa seguridad sa paligid at sa mismong Batasan Complex kung saan gagawin ang SONA ni PNoy.

Nakahanda na rin ang pulisya sa inaasahang pagsugod ng mga militanteng grupo para sa kabi-kabilang kilos protesta sa Batasan maging sa ibang lugar sa Maynila.

Walong daang pulis ang ipapakalat sa mga lugar na madalas pagdausan ng mga kilos protesta partikular na sa Mendiola maging sa palibot ng Malakanyang.

Inilatag na rin ng Metro Manila Development Authority ang traffic rerouting scheme para sa mismong araw ng SONA ni PNoy.

Samantala, kasabay ng SONA ng pangulo, kanselado na ang mga klase sa lahat ng antas sa Quezon City.

Maging ang mga pasok ng mga pang-gabing klase at kinansela na rin.

Dahil sa hindi kinaya ang epekto ng sigalot sa loob ng pamunuan ng simbahan, isa pang ministro ng Iglesia ni Cristo o INC ang nagbitiw sa pwesto sa Estados Unidos.

Sa video na na-upload sa YouTube, si INC minister Louie Cayabyab ng Fremont, California, ay nagbitiw habang kaharap ang kanyang congregation kasabay ng ika-101 na anibersaryo ng INC, sa pagsasabing hindi nito matanggap ang pagtiwalag na ginawa ng simbahan sa pamilya Manalo.


Si Cayabyab ay minsan na ring nadistino sa Washington D.C., Temple Hills, Maryland Northern Virginia, Virginia, Baltimore, Maryland, Elizabeth, New Jersey, Central New Jersey, Staten Island, New York, Virginia Beach, Virginia, at Livermore, Northern California.

Isiniwalat ni Felix Nathaniel "Angel" Manalo ang katiwalian sa Iglesia ni Cristo o INC.
Aniya maraming katiwalian sa loob ng INC kung saan nauubos na umano ang abuloy ng simbahan sa mga proyektong hindi naman kailangan.
Isa sa mga kinikwestiyon ni Angel ay ang pagpapatayo ng Philippine Arena sa Bulacan na pinondohan ng malaking halaga na puwede sanang gamitin sa pagpapatayo ng mas marami pang kapilya.

Nadiskubre ng mga scientist gamit ang Kepler telescope ng National Aeronautics and Space Administration o NASA ang isang planeta malapit sa solar system na "close match" sa ating daigdig.


Sa inisyal na mga pag-aaral, mainam din ang lugar para panirahan, ngunit ang tanging problema umano ay masyado itong malaki. Ang planeta ay nasa gitna ng tinatawag ng mga astronomers na "Goldilocks zone."

Sa Goldilocks zone, hindi masyadong mainit at hindi rin matindi ang lamig at ang tubig ay hindi kumukulo o nagyeyelo habang ang temperatura ay nasa 22 degrees Celsius.

Ito ang kauna-unahang planeta na nadiskubre ng Kepler telescope ng NASA, na puwedeng pamuhayan.

Ang bagong planeta na pinangalanang Kepler-22b ay may mga katangian na pareho sa mundo.

Umiikot ito sa star na maaari umanong kambal din ng araw at halos kapareho rin ng distansiya.

Ang isang taon ng Kepler-22b ay 290 araw na hindi malayo sa 365 days ng Earth at malaki ang posibilidad na may tubig at mga bato sa kakatuklas pa lang na planeta. Pero ito ay dalawang beses na mas malaki kaysa Earth kaya malaki raw ang posibilidad na para itong Neptune kung saan malaking bahagi ay dagat.

Ngayon pa lang ini-imagine na sa posibilidad na maaaring manirahan ang mga tao sa nasabing planeta.

Susubukan ng mga eksperto na sukatin ang eksaktong laki ng planeta, sa susunod na taon.

Sa layo ng planeta, aabutin ng 22 milyong taon bago ito maabot kung gagamit ng space
shuttle.

Tatlong sightings ng planeta ang kinailangan ng NASA upang makumpirma ang planeta.

Binilinan ni Senator Cynthia A. Villar sa Overseas Filipino Workers o OFW's at sa kanilang pamilya na maging “vigilant” laban sa criminal elements o sindikato upang di maloko ang kanilang pinaghirapang pera.

Itinaguyod ng opisina ng senador at ng Ople Policy Center na pinangungunahan ni Ms. Susan Ople ang forum na “Huwag Magpaloko” para bigyan kaalaman ang mga ito tungkol sa modus operandi ng mga suspek.

Hinimok din niya ang mga ito na i-report sa mga kinauukulan ang anumang insidente ng panloloko para agarang madakip ang mga suspek at mahinto ang kanilang iligal na gawin. Bukod kay Villar, kasama rin si Ople sa larawan ang mga OFWs at pamilya ng mga ito sa idinaos na forum sa Villar SIPAG.

Nagbabala ang Technical Education and Skills Development Authority o TESDA sa mga manggagawa at estudyante laban sa mga ilegal na training at recruitment center.

Ginawa ni TESDA Director General Joel Villanueva ang babala matapos ipasara ng Philippine Overseas Employment Administration o POEA ang RRR International Training Center dahil sa ilegal umanong pagre-recruit ng mga aplikante para magtrabaho sa mga pabrika sa Japan at Korea.

Ayon pa sa TESDA, wala sa kanilang listahan ang RRR International Training Center na may tanggapan sa Plaza Cristina Building sa Dolores, San Fernando, Pampanga bilang technical vocational school and training center.

Una nang inihayag ng POEA na ang mga training center ay walang awtoridad na mag-recruit ng mga manggagawa. | via@ABS-CBNnews.com