10-anyos na bata, patay nang bagsakan ng 500 kls. na bato sa ulo.

ILOCOS SUR - Patay ang isang batang lalaki matapos bumagsak sa kanya ang malaking bato na may bigat na 500 kilos sa Barangay Barbar, San Juan, Ilocos Sur.

Ang biktima ay si Joseph Aquino III, 10- anyos, Grade III pupil sa Barbar Elementary School at nakatira rin sa nasabing lugar.

Ayon kay San Juan Police, nanguha ng manzanitas o aratilis ang biktima kasama ang dalawa pa niyang kaeskuwela at inapakan ang malaking bato para maabot ang bunga.

Nang naapakan ang bato, naramdaman nilang umuga ito pero agad nakatalon ang dalawang bata habang ang biktima ay nahulog at bumagsak sa kanya ang malaking bato na siyang sanhi ng pagkapisa ng ulo nito. | via@SanJuan_PNP