30 kabataan nalason sa kinaing burger sa CDO.

Mahigit sa 30 kabataan ang isinugod sa ospital dahil sa pagkalason sa kinain nitong burger at iniinom ng juice sa Sitio Punta,Barangay Bonbon sa lungsod ng Cagayan De Oro.

Mayroon umanong naglunsad ng birthday party sa nasabing barangay kung saan namigay ito ng libreng pagkain sa kabataan.

Bigla na lamang nakaramdam umano ang mga biktima ng pananakit ng tiyan at pagsusuka dahilan para isinugod ang mga ito sa J.R. Borja City Memorial Hospital.

Napag-alamang ang mga mag-aaral umano na mula isang tanyag na unibersidad nitong lungsod ang namigay ng pagkain bilang kanilang community service sa nasabing lugar.

Sa ngayon,nanatiling tahimik pa ang pamunuan ng unibersidad ukol sa nasabing pangyayari.