Barkong patungong Bohol, sumadsad dahil sa malakas na hangin.

Naging pahirapan ang pagbiyahe ng isang barko ng J & N Shipping Lines na galing Cebu patungong Tagbilaran City, Bohol.

Ayon kay Ginoong Marvin Cutanda, ang kapitan ng barko, kanyang sinabi na galing umano sila ng pier 1 sa Cebu at alas-2:00 ng madaling araw sana sila dadaong sa Tagbilaran City pero pagdating sa karagatan ng Pangandanan Island sa bayan ng Getafe, Bohol, bigla nalang sumadasad ang kanilang barko.

Nakarinig sila ng ingay sa ilalim ng barko at nalaman na sumadsad na pala.

Dahil dito naantala ang biyahe ng nasabing barko.

Nang sinubukan ng kapitan na magpursigeng tahakin ang nasabing lugar ay nakayanan din nito.

Kaninang alas-5:00 ng madaling araw ay sa Bayan ng Ubay, Bohol na sila dumaong dahil sa sama ng panahon.

Sa ngayon, wala namang napaulat na nasugatan sa 52 pasahero at naging pinsala sa mga karga ng barko.