Davao del Norte, apektado sa pagtaas ng level ng tubig.

Nasa dike at stock file na lamang pansamantalang tumutuloy ang 77 pamilya sa Carmen, Davao del Norte na apektado sa pagtaas ng level ng tubig.

Ang nasabing pamilya ay nagmula sa tatlong apektadong mga barangay na kinabibilangan ng Barangay Ising, Alijal at Magsaysay.

Dahilan nang biglang pagbaha sa nasabing mga barangay ang pagkabutas at pagkasira ng dike sa Toganay River, kung saan ang agos ng tubig ay pumasok sa apektadong mga barangay.

Aabot sa naman ng 100 ektarya ng taniman ng saging, palayan at gulay ang nasira dahil sa taas ng tubig na halos lampas tao na ang lalim.

Sa ngayon nasa mga dike pa ang 58 na pamilya mula sa Barangay Ising ngunit nababala ang mga barangay officials na kung lalakas pa ang ulan mula sa bundok ay maaapektuhan na naman ang mga pamilya.