Isang lalake sa La Union, nagpakamatay dahil sa umano'y pagkakaroon ng kabit?

Nagpatiwakal umano ang isang mangingisda sa lungsod ng San Fernando, La Union sa pamamagitan ng pag-inom ng lason dahil sa problema sa pamilya.

Nakilala ang biktima na si Linberg Cariño, 36-anyos, may asawa, residente ng Barangay San Francisco ng nasabing lungsod.

Idineklarang dead-on-arrival sa Ilocos Training and Regional Medical Center o ITRMC ang biktima.

Bago ang insidente, nasambit umano ng biktima na magpapakamatay habang nakikipag-inuman kasama ang ilang kakilala at kamag-anak nito.

Ang problema ng biktima ay may kaugnayan umano sa napapabalitang pagkakaroon nito ng ibang karelasyon na babae.

Sa ngayon, nilalamayan na ang bangkay ni Cariño sa kanilang tahanan.