Kalsada sa bayan ng Murcia, Neg.Occ, 'di na madaanan dahil sa baha.

Apektado sa ngayon ang takbo ng trapiko sa bayan ng Murcia, Negros Occidental dahil sa pagtaas ng lebel ng tubig sa mga kalsada at maging sa highway.

Kinagulat ng mga residente ang biglang pagtaas ng tubig mula sa bukid ng nasabing bayan, dahil sa patuloy ng pag-ulan.

Biglang bumuhos ang malakas na ulan nitong hapon at 'di tumagal tumaas ang tubig sa  tatlong Barangay na kinabibilangan ng Brgy. Kaliban, Brgy. Abu-abo at Brgy. Lopez Jaena kung saan pinasok ng tubig-baha ang ilang mga kabahayan at maging ang mga kalsada na hindi na makita dahil sa tubig-baha.