"Mercy and Compassion" ang tema sa postoral visit ni Pope Francis sa Pilipinas.

"Mercy and Compassion" ang magiging tema sa nakatakdang postoral visit ni Pope Francis sa Pilipinas sa Enero 15 hanggang 19 sa susunod na taon.

Sinasabing apat na araw ang pagbisita ng Santo Papa sa Pilipinas na nakataon naman na sa mismong araw ang ika-20 anibersaryo ng pagbisita noon sa bansa ni Pope John Paul ll na ngayo'y kinikilala nang santo ng simbahan.

Nangako naman ang pamahalaan na magiging matagumpay ang pagdating sa bansa ni Pope Francis.

Inaasahang bibisitahin ng Santo Papa ang mga biktima ng kalamidad gaya ng naganap na lindol sa Visayas noong nakalipas na taon at ang paghagupit ni Super Typhoon "Yolanda".