Paaralan sa Sorsogon, sinuspinde dahil sa pag-atake ng mga lamok.

Pasamantalang naantala ang pasok ng daan-daang mga estudyante sa Bulon National High School sa Sorsogon dahil sa pag-atake ng mga lamok.

Dalawang araw na sinuspinde ng pamunuan ng nasabing paaralan ang kanilang pasok sa lahat ng antas para maisagawa ang pag-spray sa buong eskwelahan para mapuksa ang nasabing mga lamok.

Nagsimula raw umano kumalat ang ganon karaming mga lamok dahil sa sunod-sunod na pagbuhos ng ulan sa kanilang bayan na nagdulot ng mga pagbaha.

Sa pangambang magdala pa ng piligro sa mga mag-aaral ang nasabing sitwasyon, nagdesisyon ang pamunuan ng nasabing paaralan na pansamantalang huwag papasukin ang mga bata.