Papalapit na bagyo, lalong lumakas.

Lumakas pa ang bagyong nasa silangang bahagi ng Northern Mindanao.

Nasa kategorya na ngayon bilang tropical storm ang nasabing sama ng panahon na may taglay na lakas ng hangin na 65 kph at pagbugsong 85 kph.

Pero mula sa pagkilos nitong pahilaga hilagang kanluran, naging mabagal ang paggalaw ng bagyo sa nakalipas na magdamag.

Inaasahang papasok ito sa Philippine Area of Responsibility o PAR sa araw ng Sabado.

Unti-unti namang lumiliit ang tyansa nito na tumama sa lupa dahil sa ibang weather system na maaaring makaapekto sa kanyang paggalaw. | via@DOST_PAGASA