Bilang ng mga Pinoy na walang trabaho, tumaas.

Umakyat na sa 11.8 milyong Pilipino ang walang trabaho sa ikalawang bahagi ng 2014.

Ito ang lumitaw sa survey ng Social Weather Stations o SWS na isinagawa noong Hunyo 27 hanggang 30 sa 1,200 indibidwal na edad 18 pataas.

Umakyat sa 25.9% ang joblessness rate sa second quarter mula sa 25.7% o 11.5 milyong Pinoy na naitala noong first quarter.

Batay din sa pinakahuling survey, bumaba sa "mediocre" +3 ang optimism on job availability o positibo sa pagbubukas ng mas maraming trabaho sa mga susunod na buwan mula sa "fair" +13 sa unang bahagi ng taon.

Unang inilathala ang survey sa BusinessWorld. | via@SWS