Ilang mga kabahayan winasak ng buhawi sa Davao.

Umaabot sa 16 na mga kabahayan ang napinsala matapos tumama ang buhawi sa Barangay Leon Garcia at Governor Vicente Durterte sa Agdao district.

Una rito dakong alas-7:10 ng gabi, biglang bumuhos ang malakas na ulan kasabay ng malakas na hangin na nag-resulta sa pagkapinsala ng mga kabahayan, kahit ang mga malalaking puno ng mga kahoy ay nabunot.

Nagpulong na rin ang mga opisyal ng barangay upang matulungan ang mga residente na apektado ng kalamidad.