Sen. Miriam, tatakbong Presidente sa 2016 Elections?

Diretsahang sinabi ni Sen. Miriam Defensor-Santiago na siya'y tatakbo bilang pangulo sa 2016 Elections matapos marinig ang suporta ng kilalang constitutionalist na si Fr. Joaquin Bernas. Ito ay sa harap ng kanyang iniindang stage 4 Lung Cancer.

Ayon kay Sen. Santiago, sakaling matuloy ang kanyang pagtakbo bilang pangulo ay kailangan niyang makipag-alyansa sa partido ni Pangulong Noynoy Aquino na Liberal Party o LP, o kaya'y sa Nacionalista Party o NP ni dating Sen. Manny Villar.

Si Santiago ay kasalukuyang naka sick-leave bilang senador dahil sa kanyang karamdaman at nagbitiw na rin bilang judge ng International Criminal Court.

Sa kabilang daku, masayang ibinalita ni Santiago na unti-unti nang gumagaling ang kanyang kanser sa baga.