Working student mula Tagum City, nagsauli ng napulot na P150,000 cash at tseke.

Aabot sa P150,000 na cash at tseke ang isinauli ng matapat na mag-aaral mula sa Tagum City.

Sinauli ng 4th year student na si Jeffry Balbero ang pitaka na may lamang cash at tseke nitong Martes.

Bumilib ang prinsipal ng paaralan sa katapatan ni Balbero na apat na taon nang nagtatrabaho sa isang pamilya sa Poblacion habang nag-aaral.

Ayon kay Balbero, na iniwan ng mga magulang noong bata pa, kahit hirap sa buhay ay hindi siya nagdalawang-isip na ibalik ang pitaka na naiwan ng isang magulang sa gym ng paaralan.


Plano ng paaralan na parangalan sa harap ng ibang mga estudyante si Balbero sa darating na Lunes upang magsilbi itong ehemplo. | post and video from ABS-CBNnews.com; photo form PhotoWorldManila