Fish cemetery sa lungsod ng Dagupan, dinayo rin ng mga tao.

Bukod sa sementeryo, dinayo rin ng mga tao ang Fish Cemetery sa Barangay Bonuan, Binloc sa lungsod ng Dagupan kasabay ng paggunita ng araw ng mga patay.

Hindi pinalagpas ng mga tao ang pagbisita sa libingan ng mga isda na kauna unahan sa bansang Pilipinas.

Ang naturang fish cemetery ay ipinatayo noong Pebrero 1999 kung saan nakalibing dito ang mga natatagpuang patay na mga isda na karaniwan ay mga balyena at iba pang endangered species.

Hindi lang sa mismong araw ng patay, dinarayo rin ito sa mga ordinaryong araw ng mga nature lovers at mga mag-aaral na nagsasagawa ng lakbay aral para alamin ang kaysayan ng isda na nakalibing dito.