Pinay Caregiver sa Israel, nanakit ng amo?

Labis ngayon ang pagkamuhi ng ilang overseas Filipino workers o OFW sa Israel dahil sa viral na video ng isang Pinay caregiver sa social media na umano'y nanakit sa amo nitong matanda.

Naiinis sila sapagkat isa na namang malaking kahihiyan para sa kanila ang nangyari kung saan walang awang sinaktan, hinatak at sinabunutan ng Pinay caregiver ang amo nitong 90-anyos.

Sa pamamagitan ng isang hidden camera sa kuwarto ng matanda, nalaman ang nangyari at nai-post ito sa mga social media na agad namang pinagpiyestahang pinanood.

Gayunpaman hindi pa nakikilala ang Pinay caregiver at wala pang balita kung ano na ang sitwasyon ngayon ng matanda sa video kung saan nakatira sila sa Kfar Saba, Israel. [report from BomboRadyoVigan]