Pastillas Girl, tila ibinubugaw na. - Gabriela.

Sa darating na October 13, 2015 itinakda ng Movie and Television Review and Classification Board o MTRCB ang dayalogo sa mga producers ng isang Noontime Show sa Kapamilya Network, ang Showtime dahil sa isyu ng pambubugaw.

Ito ay bilang tugon sa inihaing reklamo ng Women's Group na Gabriela na tila ibinubugaw na ang binansagang "Pastillas Girl" alang-alang sa ratings.

Una rito, nais ng Gabriela na imbestigahan ng MTRCB ang nasabing segment kung saan layon na makatagpo ang babaeng nagngangalang Angelica Yap o "Pastillas Girl" ng bagong lover matapos lokohin ng kanyang dating boyfriend.

Hindi raw tama na mistulang ibinubugaw na sa mga lalaki si "Pastillas Girl" para lamang matapatan ang rating sa kabilang Network.